الفرح - عبد الحليم حافظ
كلمات: حسين السيد
تلحين: منير مراد
سنة الاصدار: 1964
Lyrics by: Hussein El SayedComposed by: Mounir Mourad
Year: 1964
مبروك يا عريس مبروك، مبروك يا عروسة مبروك
يا حبايب باركوا وهنوا، السعد الليلة بيطل
وطريق الخير قدامهم، سجادة ورد وفل
ربي تخليهم (يا رب) وتبارك فيهم (يا رب)
خذ من أفراحنا واسعد لياليهم
ده عريس والحلوة عروسته حبيبتنا ست الكل
النهار ده بتبتدي أجمل حكاية، أجمل حكاية
الأمل والحب كانوا هما البداية، هما البداية
حيقولوها اثنين بشوق مالوش نهاية
إفرحوا وهنوا وغنوا كثير معايا
فرحة وحدة يا حبايب مش كفاية
وعقبال بكرة مانيجي نشارك أفراح جاية كثير ونبارك
ونفرق تورتة وشكولاتة لما الاثنين يبقوا ثلاثة
مبروك سبع بركات، إسقوا الفرح شربات
مبروك سبع بركات مبروك، مبروك، مبروك
نور الفرح مبدور، شمع وهنا وزهور
يا ساقي لف ودور، واملا الصواني وهات
وإسقي الفرح شربات
يا ليلة المواعيد، يا ليلة المواعيد
يا أم الليالي البيض، يا ليلة المواعيد
يا أم الليالي البيض، خلي الأماني تزيد
خلي الأماني تزيد، وتقرب المسافات
وإسقي الفرح شربات (شربات)
يا أهل العروسة مبروك
يا أهل العريس مبروك
