احنا شبابك يا بلادى - عفاف راضى
كلمات: سيد حجاب
تلحين: كمال الطويل
إحنا شبابك يا بلادى
عاشقين ترابك يا بلادى
نبنى ونعلى فى رحابك
مشوارنا الطويل يا بلدى مشوار الفدا
لو كان ألف ميل يا بلدى ما خلاص ابتدى
تنادى الندا وعلينا اللى باقى يا بلادى
بعد ليالى الصبر يا بلدى بعد الإنتظار
جاية ليالى القدر يا بلدى بالخير والعمار
نادى للنهار وعلينا اللى باقى يا بلادى
جيل بعد جيل يا بلدى بنشق الطريق
ومفيش مستحيل يا بلدى على القلب الجرئ
أطلبى أى شئ وعلينا اللى باقى يا بلادى
إحنا ولاد النيل يا بلدى وحضنك ضمنا
والنيل النبيل يا بلدى بيسرى فى دمنا
إتمنى المنى وعلينا اللى باقى يا بلادى
عيشى طول الدهر يا بلدى مرفوعة الجبين
عمرنا هو المهر يا بلدى ده إحنا العاشقين
إتحدى السنين وعلينا اللى باقى يا بلادى