بستان الاشتراكية - عبد الحليم حافظ

بستان الاشتراكية - عبد الحليم حافظ

كلمات: صلاح جاهين

تلحين: محمد الموجى

توزيع موسيقى: على اسماعيل

سنة الاصدار: 1964

الاصدار فى: حفل ضباط القوات المسلحة

Lyrics by: Salah Jahin
Composed by: Mohamed El-Mougi

Arranged by: Ali Ismail

Year: 1964
Released in: Concert

افتــح . . افتــح . .

اقفــل . . حــول . .

نقعــد نرتــاح ؟ . .

لأ ، ح نكمــــل ،

ده السد العالى ، شهل ..

- علـى راس بستـــان الاشتـراكيــة ،

واقفيـــن بنهنـــدز ع الميـــــه ،

أمـة أبطــال ، عُلمـــا ، وعمـــال ،

ومعـــانـــا جـــمــــــال :

بنغنــى غنـــوة فـرايحيـــــه ..

ننده كلنا ، ندهة فلاح لاخواته ، ساعة الرى .

حاكم ارضنا ملكنا كلنا م السـد العالى وجى .

ننــده كلنـا نــدهــة قويـــــة .

افتــــــح …

- افتح، على حوض الورد، ابو تمانين مليون شجرايه

الورد العربـى ، ورد السهـل ، وورد الصحرايـه ..

أهو كده ، وافتح صفحة ما تشبـع فيها الدنيـا قرايـه

يا فاتح فى الصخر ده للجيل ، ويا النيـل ، مجرايـه ..

- اقفــــل …

- واقفل ع الحيـره السيـره وهـات شربـات للكل .

اقفل عينـك ، وافتحهـا ، تـلاقـى الشـوك بقى فل ..

وزهور ليمـون ، صابحـه ف يافا بتضحـك وتطـل .

تقول : افتح صندوق العيــد ، وادى الحلــوة مرايـه

مــوال

" يا حلــم ، يا حلــم ، يابو الليــل ، يا متزوق .

ليلـك سهـرنــاه ، ونـورنـــاه .. بالمبـــدأ ،

فيه نـاس تقـول فى الصبـاح : حلمنـا والله خيـر .

واحنـا ، الصبــاح ييجى يلقـى الحلــم متحقـق ..

- حــول …

- حـول ، وافرش منديلك لاخضــر ، ع الرملــه ،

حولها جــداول ، ومعامــل ، وحيــاه كاملــه ،

حولنا ، وطـولنـا أملنــا بايـدنـا العاملــــه ..

حول علـى فوق ، زى السـد ما طالـع على فـوق ،

الخيـر بيجيب الخيــر ، والفرحـه دى كانت شوق ..

الشعـب العربى رمـى قيـوده ، وخـرج م الطـوق ،

طالـع ، طالـع للقمـه ، وبيـزرع فيهـا الرايــه ،

قولــوا ورايــا ..

- افتـح . . افتــاح …

اقفــل . . حــول . .

نقعـد نرتــاح ؟ . .

لأ ، ح نكمـــل ! . .

ح نكمـــــل ! .