Mawlid Ya Donia (Life Is a Carnival) film 1975 = اغانى فيلم مولد يا دنيا

اغانى فيلم مولد يا دنيا 1975

Mawlid Ya Donia (Life Is a Carnival) film 1975

1- تعالى جمبى - عفاف راضى

كلمات: عبد الرحيم منصور

تلحين: بليغ حمدى

2- حبيتك - عفاف راضى

كلمات: مجدى نجيب

تلحين: بليغ حمدى

3- يمكن على باله - عفاف راضى

كلمات: عبد الرحيم منصور

تلحين: بليغ حمدى

4- المولد - عفاف راضى والمجموعة

كلمات: مرسى جميل عزيز

تلحين: على اسماعيل

5- اهى دى الدنيا - عفاف راضى

كلمات: سيد مرسى

تلحين: بليغ حمدى

6- يهديك يرضيك / تبسم - عفاف راضى

كلمات: مرسى جميل عزيز

تلحين: محمد الموجى

7- شبيك لبيك - عفاف راضى

كلمات: مرسى جميل عزيز

تلحين: منير مراد

8- يا قوى - عفاف راضى

كلمات: مرسى جميل عزيز

تلحين: محمد الموجى

9- يا صبر طيب - عبد المنعم مدبولى

كلمات: مرسى جميل عزيز

تلحين: كمال الطويل

1- Taala Ganbe - Afaf Radi
Lyrics by: Abdel Rahim Mansour
Composed by: Baligh Hamdi

2- Habitak - Afaf Radi

Lyrics by: Magdi Naguib
Composed by: Baligh Hamdi

3- Ymkin - Afaf Radi
Lyrics by: Abdel Rahim Mansour
Composed by: Baligh Hamdi

4- El Moulid - Afaf Radi ft. Group
Lyrics by: Morsi Gamil Aziz
Composed by: Ali Ismail

5- Ahi Di El Dounia - Afaf Radi
Lyrics by: Sayed Morsi
Composed by: Baligh Hamdi

6- Yihdik Yirdik / Tabassam - Afaf Radi
Lyrics by: Morsi Gamil Aziz
Composed by: Mohamed El-Mougi

7- Shoubik Loubik - Afaf Radi
Lyrics by: Morsi Gamil Aziz
Composed by: Mounir Mourad

8- Yakawi - Afaf Radi
Lyrics by: Morsi Gamil Aziz
Composed by: Mohamed El-Mougi

تعالى جمبى

عينى ومنى عينى آه يا عينى

ما تيـجى جـنبى.. هنا هنا جنبي.. ده مـنى عـيـنى

وتشـوف بعـنيك هنا هنا أهـو

جــنـة حـواليـك هنا هنا أهـو

الناس هـنـا هـنـا حـلويـن.. هـنـا هـنـا حلويـن

عايشين على السماح.. على السماح عايشين

ألـوانـهـم الجميـلة مـفيـهاش لـون الجـراح

حـــاسـيـن بــالــدفا عــايــشــيــن ع الـــوفا

-وفا أيه بتقولى وفا .. وفا ايه

ده حـــلـــم أشــتــقــنـا إلـــيـه

ده شـــقــا مــش راضى بينـا

وأحـــنــا اللى رضـــيـنا بـــه

بلد بلد بلد بلد..

لا فـيـها قـلــب ضــايـع ولا حــد فـيـها غــريب

الشــمــس فيـها تطلـع تنزل ع الجـرح يـطـيب

على كل اللون الحب.. على كل لون بتحب تحب

ولا لحــظة بتسـتخبى جــوه عيــونـها المحبة

عينى ومنى عينى آه يا عينى

تيـجى جـنبى ده مـنى عـيـنى

نــــحـــلم بــبــكره يـجــــيـنـا

بـــس أمتى بـــكـره يـجــيـنـا

الــفــــرحــة تــمـلى عـنـيـنـا

نـــحـــلم بـبــكره يـــجــيـنـا

حبيتك

حبيتك على قد الحب

وحبيتك على غصن الورد

وحبيتك على شجر الفرح

حبيتك وناديتك يا حبيبي ناديتك

حبيتك مع حلمي الأخضر

حبيتك في الليل الأسمر

حبيتك ودعت الجرح

حبيتك وناديتك يا حبيبي ناديتك

حبيتك على موج البحر

وحبيتك في عيون الحلم

حبيتك ودعت الجرح

حبيتك وناديتك يا حبيبي ناديتك

يمكن على باله

يمكن على باله حبيبى.. يمكن عن باله أغـيب

لكـن والله يـا حــبيبى.. عــن بالى مــا بتغيب

يمـكن تنسانى، لكن وانا مالى، دايماً على بالى

وعــن بالى مــا بتغــيب.. يمـكن حبيبى يمـكن

تخاصــم تصــالـح.. برضه أنت حبيبى

فـاكــرنـا ناسـيـنـا.. أمـــرك يــا حبيبى

ولا هاتنسانى، لكن وانا مالى، دايماً على بالى

وعــن بالى مــا بتغـيب.. يمـكن حبيبى يمـكن

أسـمـك مكتـوب يا حبيبى.. على القــمـر العالى هناك

قسمة ومكتوب يا حبيبى.. مـكتــوب ان انـا اهــواك

خايفة لا تنسانى، لكن وانا مالى، دايماً على بالى

وعـــن بالى مــا بتغــيب.. يمـكن حـبيبى يمـكن

لـيــالى صـــابـــرة يــا حـبيبى..

ولا انت بحالى دارى يا حبيبى

يمكن تنسانى، لكن وانا مالى، دايماً على بالى

وعـــن بالى مــا بتغـيب.. يمـكن حبيبى يمـكن

المولد

اللهم صلى وسلم وبارك عليه

اللهم صلى على حضره النبى

مدد ياشيخ العرب مدد على طول المدد حى

الله الله الله الله شيخ العرب ياسيد ياابو الكرم ياجيد

صلى على حضره النبى

هز الهلال نعيد بنظره من بعيد

شيخ العرب ياسيد ياابو الكرم ياجيد

هز الهلال نعيد بنظره من بعيد

الهاتش الناتش الطش الكل اخوات

هف وخف وزوغ والتعلب فات

لكن لأ ماحناش حراميه ده احنا ولات حنت يا ارتيه

اهه اهه اهه واهى تسليه

ايدنا اخف من السناره قلبنا دبش اسمنت حجاره

مانخافش الا من اللى خالقنا ومن العسكرى ابو سفاره

مسيب اللى فى الشباك مد ايده

ملس على المفترى بشويش بشويش براحاته

مين فى العليل علته طابت جراحاته

مسيب اللى فى الشباك مد ايده

قرب قرب قرب جرب قرب قرب قرب

فتح عينك وهرش جيبك لو م الحظ تعمر جيبك

وان تو ثرى ثرى تو وان فين الصوره

وان تو ثرى ثرى تو وان فين الصوره

آدى الصوره تكسب يابنى عد فلوسك والسنيوره اهى بتبوسك

قرب قرب قرب جرب قرب قرب قرب

مولاى صلى على الحبيب المصطفى الله

حبه الجلاله والشفاعه والوفا الله

فهو الشفيع الملتقى عند اللقا

مولاى صلى على الحبيب المصطفى الله

حبه الجلاله والشفاعه والوفا الله

يامحسنين لله لله لله لله

يامحسنين لله لله لله لله

عاجز نظر يااهل النظر عاجز نظر

طال ولو حزمه جزر تجلى النظر

علشسان اشوف ام العيال لتكون دكر

شيخ العرب ياسيد ياابو الكرم ياجيد

هز الهلال نعيد بنظره من بعيد

شيخ العرب ياسيد ياابو الكرم ياجيد

هز الهلال نعيد بنظره من بعيد

شيخ العرب ياسيد ياابو الكرم ياجيد

شيخ العرب ياسيد ياابو الكرم ياجيد

ياتشفيلى عزيزه يا تبعتلى باريزه

ياتشفيلى عزيزه يا تبعتلى باريزه

اجيب دوا لعزيزه

حبيبتى وانا بايدى ايه يابنتى

اتفضلى ياستى بارزتين مش باريزه

ياللى تعطف عليا يجعل ايدك سخيه

فى جيبك رايحه جايه ويا حمرا ياطماطم

وخضره ياملوخيه

سبح سبح سبح مصاحف مصاحف مصاحف

اقرا اقرا وسبح الله الله الله الله الله

الله الله الله الله الله

ياخبر ابيض ياخبر ابيض ايه ده ياعم فيه ايه يابنى

ماانتاش شايف لا مش شايف تعبان تعبان تعبان

تعبان طوله تلات تشبار تعبان طوله تلات تمتار

وعشر تمتار ده التعبان اللى اسمه الكبرى خيبت كبرى

يارفاعى مدد يارفاعى مدد مدد مدد

يارفاعى مدد يارفاعى مدد مدد مدد

يارفاعى مدد يارفاعى مدد مدد مدد

حابس كابس كابس حابس اجعل حنك التعبان يابس

حابس كابس كابس حابس اجعل حنك التعبان يابس

توت توت توت واتواتوت واتواتوت

وسع ياللى على الرصيف وسع وسع وسع يابنى وانت يابنتى

اوعى الجاز شيلى العيل شيلى العيل يارفاعى مدد

هيه هيه هيه هيه

يارب توبه بالحب توبه وعندى توبه يارب

يامراتى يابنت حماتى لمى لسانك يامراتى

واخدك على جنب مراتى

قلبتينى دوختينى لففتينى الدنيا وراكى

توب يا خويا احنا اساسا وش موالد توب خلاص حرمت ياخويا

احنا بلدنا تخش موالد الحقنى يابيه حوشينى يامه والنبى ياعم

بس ياخينا روق دمك ده انا لسه هاشرب من دمك

قدامى يابت حايموتنى ده مجرم حشنى حشنى ياعم

قدامى يابت حاسب يابنى حاتموتها

اختى وانا حر فيها سيبه خليه يربيها

قدامى يا صايعه ياضايعه يامايعه يافايعه قدامى يابت

قرب قرب قرب جرب جرب جرب

السنيوره عارفه صاحبها صاحب الحظ اللى بيعجبها

والسنيوره عارفه صاحبها بتلعبلك اهى حواجبها

حته بخمسه بحالها اهى قصدك يعنى تقول هنا هو لأ

لأ هنا هو يعنى هنا هو

فتح عينك تاكل كوفته فتح كوفته تاكل عينك

تلبس بافته وليلتك تيفتا عينك كوفته وليلتك فتح

برضه مصمصم على هنا هو وحاخليها ريال كده هو

شيلاه ياسيد مالكش فيه تخصر يابنى لأ مش هى

مش قلتلك العب على ديا

والسنيوره عارفه صاحبها بتلعبلك اهى حواجبها

اما براوه عليكى يازبده ده انا قلت مالحقتشى تحلق

عيب ده انا زبده طب يالا اطلعى بالمبلغ

ابعد ايدك ادى ربع جنيه وانا ربع جنيه والخمسين عشان امى

وادى بريزه وانت بريزه وريال علشان امى

وادى خمسه ابيض وانا خمسه ابيض وشلن علشان امى

حلو ياسمعه حلو يازبده بينا على امى علشان احينها

لأ حد الله مابينى وبينها انا على البرجاس وانت على امك

ليلتك فل ياست ذكيه اهتسى افتحى حجرك لمى الفله

لأ ياعين امك عايزه اتفرج على الخصوص

ورينى ياقزعه كوزك ناقص ليه وانت ياشحط معاك كوز واحد

اى اى اى اى مولد ناس رايحين جايين على كام عقب مايملو سيجاره

هى الناس بطلوا تدخين ولا الناس بطلو تدخين

وانت الصادقه الناس صايمين امشى انجر اعملك همه

منك له له واقفين ليه ايوه يازبده فايقه ورايقه

حكايتك ايه اياك جايبه الديب من ديله

ادى كل اللى قدرت عليه ومكتره قوى قوى كده ليه

مولد السيد يابت شيلاه ياسيد وده كل اللى قدرتى عليه

امشى ارجع تانى اسرح تانى ادور تانى

قسمتى يانى ارجع تانى اسرح تانى ادور تانى قسمتى يانى

ياللى معاك ميت الف جنيه ياللى معاك ميت الف جنيه اسرقهم لامى

هنا مرسح المعلمه زوبه اللهلوبه اللى صوتها يطلع الرطوبه

ايوه ياسطى زوبه يالهلوبه على عينى آه آه آه

على ليلى آه آه آه على زوبه آه آه آه

روح ياواد دنا للاسد مخطوبه

الليل الليل اليلى ياميمون قول للزبون انا بوك يازبون

الليل الليل اليلى ياميمون قول للزبون انا بوك يازبون

اهى دى الدنيا

ياللا يا دنيا نقول للدنيا أحلى كلام في العمر دا كله

والناس دول عايشين في الدنيا وليه ضيعنا الوقت دا كله

كنا ازاي، بكرة يا دنيا نلف الدنيا

واللي ما شافش الدنيا نقوله اهي دي الدنيا

اشتاقنا وتعبت أشواقنا، وسرقنا الوقت سرقنا

اشتاقنا وهديت أشواقنا.. خلينا الدنيا تصدقنا

ورضينا بالنار تحرقنا، والنار مش راضية بدا كله

بس خلاص حسينا الدنيا.. غير الدنيا

واتعلمنا حاجات م الدنيا.. قد الدنيا

حلوة الدنيا وأحلى ما فيها لما يكون الحب ماليها

واللي ما حبش زينا بيها، بكره حينسى الحب دا كله

ياللي قاسينا كتير م الدنيا، مالها الدنيا

واما صحينا وقلنا يا دنيا، جاتنا الدنيا

يا للي ظلمتوا معاكوا الدنيا، مالها الدنيا

قد ما تقدروا حبوا الدنيا، تلقوا الدنيا

بكرة يا دنيا نلف الدنيا

واللي ما شافش الدنيا نقوله اهي دي الدنيا

يهديك يرضيك / تبسم

يهديك يرضيك الله يخليك

ما تحاورنيش.. ما تضيعنيش

وماتحرمنيش من فرحتى بيك

الله يخليك

طول عمرى بهرب من عمرى

وبسلم للأيام أمرى

وتاخدنى الريح وتجيبنى الريح

وانا واقفة وايامى بتجرى

ماتحاورنيش .. ماتضيعنيش

وماتحرمنيش من فرحتى بيك

الله يخليك

يا حياتى يا بحر مالوش مينا

المينا اهى اهى قلب حبيبى

يا عيونى يا مخلوقة حزينة

الفرحة اهو جه ويا حبيبى

يا حبيبى ماصدقت لقيتك

حبيت ايامى وحبيتك

ماتحاورنيش.. ماتضيعنيش

وماتحرمنيش من فرحتى بيك

الله يخليك

الحلو والنبي.. تبسم للنبي.. والنبي تبسم

غزال على قصته، قال للنسيم غنوة

والوردة شاف بسمته، قال والنبي حلوة

شبيك لبيك 

شبيك لبيك شبيك

شياطين جاهزين حواليك

أمر يا امير واطلب يا امير

تلقى المطلوب جايلك بيطير

ويقول شبيك لبيك خاتم سليمان فى ايديك

شبيك لبيك محتاج لفلوس باين فى عينيك

عفريتة شيطانة جنية معجونة بمية ذرية

واخصائية نقدية

ايه الطلبات ايه الاحتياجات

عايز جنيهات ولا عشرات ولا مئات ولا الوفات

وعايزة محافظ ولا شيكات

اسمعوا يا ولاد واسمعوا يا بنات

ميكونش اخينا فى باله حاجات

مثلاً يعنى يمكن قماشات نعملها ملابس للرقصات

هى القماشات ايوة القماشات كل النقشات

اشكال والوان من السند الهند وكل مكان

عارفين ايه اللى مخليه ما ينام لياليه

عارفين ايه الحلم الحلو اللى مصحيه

طب بس بس بس هس هس هس

آه المزيكا المزازيك

يا طبول طبلى طبلى

يا دفوف صهللى صهللى

يا صاجات شخللى شخللى

يا نايات إنجلى

وليتك فلالى وانت فلالى واحنا فلالى

ويقول شبيك لبيك خاتم سليمان فى ايديك

يا قوى

يا قوى لا قبلك قوى ولا بعدك ولا غيرك قوى قوى يا قوى يا رب

يا كريم يا عظيم يا رحيم يا قوى

يا كريم يا عظيم يا رحيم يا قوى

من حر حرقتى ومر دنيتى وضعف قوتى

بنده عليك قوى يا رب

على كل قوى يا قوى يا رب

بنعبدك ونحمدك وفى كل شدة نوجدك

يا كريم يا عظيم يا رحيم يا قوى

الله الله الله الله الله الله الله الله

بقدرتك يا قوى اقوى الجبال تنهد

وكلمتك يا قوى هى اللى ما تترد

دعتنا للتوبة توبنا غسلنا بالدمع توبنا

لقينا جوة فى قلوبنا قوة مالها حد

الله الله الله الله الله الله الله الله

بقدرتك يا قوى بقينا اقوى الناس

لا نخاف من الناس ولا نسأل فى ظلم الناس

الناس مع ظلمهم ومعانا رب الناس

ولا نركع الا لك ولا نسمع الا لك ولا نخضع الا لك يا رب

الله الله الله الله الله الله الله الله

الله على الدنيا لما الناس تحب الناس

وآه من الدنيا لما الناس تعادى الناس

والحب صنعك يارب والكره صنع الناس

ولا نركع الا لك ولا نخضع الا لك ونسمع الا لك

يا قوى يا رب

يا صبر طيب

زمان وكان يا ما كان

كان الزمان إنسان

دلوقتي ليه يا زمان

مابقتش زي زمان

طيب يا صبر طيب

يرحم زمان وليالي زمان

والناس يا متهني يا فرحان

الدنيا كانت وردة وشمعة

ولسه ما اخترعوش أحزان

ساعات الّف أزف عرايس

وساعات ادور مع نور عرسان

وياما كان بيجيني مزاج

السوع العزال كرباج

ولما أقول شي.. الزفة تمشي

ولما أقول هس.. كله سمع هًس

ودقي يا مزيكا

صدقني يا صاحبي

كان الزمان صاحبي

أيام ما كان إنسان

طيب يا صبر طيب

صدقني يا صاحبي صدقني

طول عمري كان ولا شيء يسبقني

دلوقت بقت حتة مرسيدس

تسبقني وتعفر على دقني

طيب.. يا صبر طيب

آه يا زمان العبر

سوق الحلاوة جبر

احنا اللي كانوا الحبايب

بيسافروا بينا القمر

بقينا انتيكه.. دقي يا مزيكا

والدنيا فبريكه بتفرم الإنسان

قصدي اللي كان إنسان

طيب يا صبر طيب

------------------- اصدارات الاغانى = Track editions  -------------------