We Dehketly - Afaf Radi = وضحكتلى - عفاف راضى

وضحكتلى - عفاف راضى

كلمات: سيد حجاب

تلحين: عمار الشريعى

توزيع موسيقى: عمار الشريعى

سنة الاصدار: 1985

الاصدار في: البوم قالى تعالى

We Dehketly - Afaf Radi
Lyrics by: Sayed Higab
Composed by: Ammar al-Sherei
Arranged by: Ammar al-Sherei
Year: 1985
Released in: Ally Taaly (Come To Me) album

وضحكتلى بعينيك الصافية

غنتلك من قلبى الصافى

وأخدتنى بإيديك الدافية

وفرشتلى شالى على كتافى

ومشينا ودابت خطاوينا

فى الليل النايم حوالينا

حد يقول اننا يا حبيبى

لسة يادوب عارفين بعضينا

زى ما اكون من صغري عرفتك

زى ما اكون شوفتك مية مرة

علشان كده اول ما صادفتك

حسيت بيك من اول نظرة

وإتكلمنا كتير ما درينا

بالناس وبنظرتهم لينا

حد يقول اننا يا حبيبى

لسة يادوب عارفين بعضينا

طول عمرى من صغرى بدور

على حلم ينورلى طريقى

عمرى ما كنت فى يوم اتصور

ان الحلم يبقى حقيقى

ولقيتك جنبى ولقينا

أحلامنا تايهة فى إيدينا

حد يقول اننا يا حبيبى

لسة يادوب عارفين بعضينا

فى عيونك فى حاجة غريبة

فى كلامك حنية وطيبة

لما لقيتك روحى لقيتها

وبقيتلك صاحبة وحبيبة

ضلى فى ضلك داب وبقينا

روح واحدة بتحضن آمانينا

حد يقول اننا يا حبيبى

لسة يادوب عارفين بعضينا