اقوى من الزمن - شادية
كلمات: مصطفى الضمرانى
تلحين:عمار الشريعى
توزيع موسيقى: عمار الشريعى
سنة الاصدار: 1980
الاصدار فى: البوم اقوى من الزمان
Lyrics by: Mustafa al-DamaraniComposed by: Ammar al-Sherei
Arranged by: Ammar al-Sherei
Year: 1980
لما كنا صغيرين
كان لينا مكان صغير دايما تقابلني فيه
لما كنا صغيرين
كان لينا حلم أخضر في قلوبنا عيشنا بيه
فاكرة يا حبيبي فاكرة
فاكرة زهر البنفسج فاكرة ضل الشجر
فاكرة لمسة أيديك
و حنان نظرة عينيك
فاكرة ومش ناسية أبدأ
أيام ما كنا نسهر نتونس بالقمر
أيام ما كنا نسهر يضحك لينا القمر
نتونس بالقمر .. يضحك لينما القمر و نغني مع القمر
و أتغير الزمان .. و أتبدل المكان أتبدل المكان
لكن يا مصـر أنتي .. يا حبيبتي زي ما أنتي
جميلة زي ما أنتي .. وأصيلة زي ما أنتي
و أن خدعتني الأماني .. أو ضاع حبي في ثواني
أرجعلك أنت تاني .. تاني
يا صحبة المكان .. يا أقوي من الزمان
الاقيكى يا مصر أنتي يا حبيبتي زي ما أنتي
الاقيكى يا مصر أنتي يا حبيبتي زي ما أنتي
الضحكة الحلوة أنتي .. و الحب الباقي أنتي
و كل شيء يتغير ... و أحنا بتكبر و نكبر
و نفارق بعضنا... و تبقى يا مصر دايما طفل هيفضل صغير
بنحبه كلنا
رحت تاني للمكان ... فاكرني بكل حاجة و بأحلى سنين هوايا
رحت تاني للمكان .. لقيت أثنين بدلنا عايشين نفس الحكاية
ضحكة ماليا عنيهم رعشة بينه في أيديهم
عايشين نفس البداية
ضحكتهم يا ترى ... فرحتهم يا ترى هيخليها الزمان
دنيا و بتلف بينا... ترسم ضحكة عنينا
و تدينا الأمل .. نغني لأمل و نعيش ويا الأمل
و يتغير الزمان .. يتبدل المكان
لكن يا مصر أنتي .. يا حبيبتي زي مانتي
جميلة زي ما أنتي و أصيلة زي ما أنتي
و أن خدعتني الأماني .. أو ضاع حبي في ثواني
ارجعلك أنت تاني
يا صاحبة المكان .. يا أقوى من الزمان
الاقيكى يا مصر أنتي يا حبيبتي زي ما أنتي
الاقيكى يا مصر أنتي يا حبيبتي زي ما أنتي
الضحكة الحلوة أنتي .. و الحب الباقي أنتي
و كل شىء يتغير .. و أحنا بنكبر و نكبر
و نفارق بعضنا... و تبقى يا مصر دايما طفل هيفضل صغير
بنحبه كلنا .... بنحبه كلنا !!
