La Ya Habibey - Oum Kalthoum = لا يا حبيبى - ام كلثوم

لا يا حبيبى - ام كلثوم

كلمات: عبد الفتاح مصطفى

تلحين: رياض السنباطى

سنة الاصدار: 1964

الاصدار فى: اسطوانات مصرفون

La Ya Habibey - Oum Kalthoum
Lyrics by: Abdel Fattah Mustafa
Composed by: Riad El Soumbati
Year: 1964

Released in: Misrphon

ليلي ونهاري فكري بيك مشغول

وحياتي لك وحدك ولك على طول

ولسه بتصدق حسود وعزول

قالوا لك الغيرة تزود حبى

وبالدموع والحيرة تملك قلبي

لا يا حبيبي

بالحب وحده أنت غالي علي

بالحب وحده انت ضي عينيا

بالحب وحده وهو وحده شوية

لا يا حبيبي

أنا لما حبيتك خطر على بالي

اللى جرالي واللي راح يجرى لي

صورت أفراحي ونعيمي فى قربك

وسهدي فى بعدك ونار عزالى

عمري ما قلت ازاي وليه حبيتك

ولا عمري قلت يا ريتني يوم ويا ريتك

وبكل قلبي وبكل عقلي هويتك

الحب هو الود والحنية

عمره ما كان غيره وظنون وأسية

والحب هو اللي بأمره هويتك

وأمره لا بإيدك ولا بإدياه

وأمره لا بايديك ولا بايديه

مين اللي قال عزك فذل خضوعي

ولا غلاوتك فى الهوى بدموعي

لو كنت أرضى بالهوان فين قلبي

وازاي تخونه وتحكمه فى ضلوعه

بالحب انا سلمت قلبي إليك

بالحب وحده مش بغيرتي عليك

فين الحنان فين الأمان يا حبيبي

لو حيرت فكري الظنون حواليك

الهجر أهون من عذابي فى قربك

ولا أشوفشي يوم أندم عليه وأنا جنبك

وكفاية أعيش بالذكريات فى بعادك

ده أنا عشت أكتر من حياتي فى حبك

بالحب وحده أنت غالي علي

بالحب وحده انت ضي عني

بالحب وحده وهو وحده شوية

لا يا حبيبي