اغانى فيلم "انا الحب" 1954 - شادية
الاغانى:
الحان: عبد العزيز محمود
1- ان فات عليك الهوى
كلمات: مأمون الشناوى
2- ماتهونش عليا
كلمات: مأمون الشناوى
3- ياللى انت قلبك
كلمات: على السوهاجى
ان فات عليك الهوى
ان فات عليك الهوى قول للهوى استنى
واسأل ع اللي انكوى فى الحب واتهنى
ياما قلوب سلمت في الحب من نظرة
ورجعت اتندمت على اللي جرى بكرة
وقلوب يا عينى عليها بتخبى نارها فيها
الفرح والدمع فيه وفيه شقاك وهناك
والورد فين تلاقيه خالي من الأشواك
قلبك عليه مشغول والفكر فيه على طول
اللى يصادف هواه الحب يهنا له
واللى انكتب له شقاه يحتار فى أحواله
ومهما كانت حلاوته يكفي عذابه وقساوته
ماتهونش عليا
ما تهونشى عليا فين اروح من ذنبك
لا ح تفرح بيا و لا ح اسعد قلبك
ما تهونشى عليا
ابعد وانسانى مرضاش بهوانك
لا انت علشانى ولا انا علشانك
هاتعذب روحك و تطول نوحك
وتفكر فيا ما تهونشى عليا
ما تهونشى عليا فين اروح من ذنبك
لا ح تفرح بيا و لا ح اسعد قلبك
ما تهونشى عليا
مش قد غرامك خلينى فى حالى
وابعد اوهامك عن قلبى الخالى
ما قدرش احبك و لا اكونشى جنبك
وعينيك فى عينيا ما تهونشى عليا
ما تهونشى عليا فين اروح من ذنبك
لا ح تفرح بيا و لا ح اسعد قلبك
ما تهونشى عليا
كان كل ما بنا حلم وننساه
ح يزيد حرمانا لو نجرى وراه
انا كنت اتمنى في الحب اتهنى
لو كان بإيديا ما تهونشي عليا
ما تهونشى عليا فين اروح من ذنبك
لا ح تفرح بيا و لا ح اسعد قلبك
ما تهونشى عليا
ياللى انت قلبك
ياللي انت قلبك ماهوش دارى بي بشتاق اليك
وحشتني منك كلمة حبيبي حرام عليك اه حرام عليك
مهما تجافني وليل يطول وبات وفكري عليك مشغول
اضحك وقلبي في نار وشوق وخوفي يفرح فينا عزول
ياللي ابتسامتك زهرة ربيع غنوة لكن قسوتك ماقدرش اقول حلوة
سلمت لك روحي وامري والعمر كله بفكر فيك
وحرمتني فرحة عمري وياريتني اعرف ايه يرضيك
ياللي انت قلبك ماهوش دارى بي بشتاق اليك
وحشتني منك كلمة حبيبي حرام عليك اه حرام عليك