Serat El Hob - Om Kalsoum = سيرة الحب - ام كلثوم

سيرة الحب - ام كلثوم

كلمات: مرسى جميل عزيز

تلحين: بليغ حمدى

سنة الاصدار: 1964

الاصدار في: اسطوانات صوت القاهرة

Serat El Hob - Om Kalsoum
Translation: The mention of love
Lyrics by: Morsi Gamil Aziz
Composed by: Baligh Hamdi
Year: 1964
Released in: Sono Cairo

طول عمري بخاف من الحب
وسيرة الحب وظلم الحب لكل اصحابه
وأعرف حكايات مليانه آهات
ودموع وأنين
والعاشقين دابوا ما تابوا
طول عمري بقول لا أنا قد الشوق وليالي الشوق
ولا قلبي قد عذابه
وقابلتك انت لقيتك بتغير كل حياتي
ما عرفش إزاي حبيتك
ما عرفش إزاي ياحياتي
من همسة حب لقيتني بحب وأدوب فى الحب وصبح وليل على بابه
فات من عمري سنين وسنين
شفت كتير و قليل عاشقين
اللى بيشكي حاله لحاله
واللي بيبكي علي مواله
اهل الحب صحيح مساكين
ياما الحب نده على قلبي ما ردش قلبي جواب
ياما الشوق حاول يحايلني واقول له روح يا عذاب
ياما عيون شاغلوني لكن ولا شغلوني
إلا عُيونك إنت دول بس اللى خدوني وبحُبك أمروني
أمروني أحب لقيتني بحب وأدوب فى الحب وصبح وليل على بابه
ياللي ظلمتوا الحب وقلتوا وعدتوا عليه قلتوا عليه مش عارف إيه
العيب فيكم يا فى حبايبكم اما الحب ياروحي عليه
فى الدنيا ما فيش أبدا أبدا أحلى من الحب
نتعب نغلب نشتكي منه لكن بنحب
ياسلام ع القلب وتنهيده فى وصال وفراق
وشموع الشوق لما يقيدوا ليل المشتاق
يا سلام ع الدنيا وحلاوتها فى عين العشاق
أنا خدني الحب لقيتني باحب وأدوب فى الحب وصبح وليل علي بابه
يا اللى مليت بالحب حياتي أهدي حياتي إليك
روحي قلبي عقلي حبي كلّي مِلك إيديك
صوتك نظرات كهمساتك شيء مش معقول
شيء خلّى الدنيا زهور على طول وشموع على طول
الله يا حبيبي على حبك وهنايا معاك
الله يا حبيبي الله الله
ولا دمعة عين جرحت قلبي ولا قولة آه
ما بقولش فى حبك غير الله
الله يا حبيبي على حبك الله الله
من كتر الحب لقيتني بحب
وأدوب فى الحب وصبح وليل على بابه

 

- اول أغنية تغنيها أم كلثوم من كلمات مرسي جميل عزيز

- مقام حجاز

الحفلات:

- (للمرة الثانية) حفل حديقة الازبكية 1965