دارت الايام ومرت الايام - ام كلثوم
كلمات: مامون الشناوى
تلحين: محمد عبد الوهاب
سنة الاصدار: 1969
الاصدار في: اسطوانات صوت القاهرة
Daret El Ayam Wa Maret El Ayam - Om Kalsoum
Lyrics by: Ma'moun El Shinnawi
Composed by: Mohamed Abdel Wahab
Year: 1969
Released in: Sono Cairo
Lyrics by: Ma'moun El Shinnawi
Composed by: Mohamed Abdel Wahab
Year: 1969
Released in: Sono Cairo
ودارت الأيام.. ومرت الأيام
ما بين بعاد وخصام
وقابلته نسيت إنى خاصمته
ونسيت الليل اللى سهرته
وسامحت عذاب قلبى وحيرته
ما اعرفش إزاي أنا كلمته
ما اقدرش على بعد حبيبى
أنا ليا مين أنا إلا حبيبى
قابلنى والأشواق فى عينيه سلم
سلم وخد إيدى في ايديه
وهمسلى قاللى الحق عليه
نسيت ساعتها بعدنا ليه
فين دموع عينى اللى ما نامت ليالى
بابتسامه من عيونه نسهالى
أمر عذابى واحلى عذاب
عذاب الحب للأحباب
ما أقدرتش اصبر يوم على بعده
ده الصبر عايز عايز صبر لوحده
ما اقدرش على بعد حبيبي
انا ليا مين إلا حبيبى
وصفولى الصبر
لقيته خيال وكلام فى الحب
يدوب ينقال
اهرب من قلبى اروح على فين
ليالينا الحلوه فى كل مكان
مليناها حب احنا الاثنين
وملينا الدنيا امل.. امل وحنان
عينى ع العاشقين
حيارى مظلومين
ع الصبر مش قادرين
ما أقدرتش اصبر يوم على بعده
ده الصبر عايز عايز صبر لوحده
ما اقدرش على بعد حبيبى
انا ليا مين الا حبيبى
ودارت الأيام.. ومرت الأيام
وهل الفجر بعد الهجر
بلونه الوردى بيصبح
ونور الصبح صحى الفرح
وقال للحب قوم نفرح
من فرحتى تهت مع الفرحة
من فرحتي لا بنام ولا بصحى
و لقيتنى معاك بعيش معاك
بعيش في ربيع مفيش كده
بين شوق ما ينتهيش
وشوق تانى ابتدى
ما أقدرتش اصبر يوم على بعده
ده الصبر عايز عايز صبر لوحده
ما اقدرش على بعد حبيبى
انا ليا مين الا حبيبى
