اسال روحك - ام كلثوم
كلمات: عبد الوهاب محمد
تلحين: محمد الموجى
سنة الاصدار: 1969
الاصدار في: اسطوانات صوت القاهرة
Essal Rohak - Om KalsoumLyrics by: Abdel Wahab Mohamed
Composed by: Mohamed El-Mougi
Year: 1969
Released in: Sono Cairo
إسأل روحك..
إسأل قلبك قبل ما تسأل إيه غيّرني
أنا غيّرني عذابي في حبك
بعد ما كان أملي مصبّرني
غدرك بيا .. أثّر فيا ..
واتغيّرت شوية شوية.. اتغيّرت ومش بإيديا
وبديت أطوي حنيني إليك
وأكره ضعفي وصبري عليك
واخترت ابعد .. وعرفت أعند
حتى الهجر قدرت عليه..
شو ف القسوة بتعمل إيه
كنت زمان بلاقيك بحناني
بحر محبة و بر أمان
كنت بحس ان انت زماني
يومي وبكره وبعده كمان
كنت بشوفك بعيون حبي
وانت بعيد أو وانت بقربي
أقرب من بسمتي لشفايفي
أقرب من إحساسي لقلبي
بعد الود اللي راعيته لك
بعد الحب اللي وهبته لك
بعد العمر اللي انا عشته لك
فيه إيه تاني أقدمهولك؟
غدرك بيا .. أثّر فيا ..
واتغيّرت شوية شوية.. اتغيّرت ومش بإيديا
وبديت أطوي حنيني إليك
وأكره ضعفي وصبري عليك
واخترت ابعد .. وعرفت أعند
حتى الهجر قدرت عليه..
شو ف اليأس بيعمل إيه
أنا ما نسيتش الحب وعهده
ولا أيامه ولا لياليه
أما ان كان ع الحب لوحده
من غير هجرك أهلا بيه
أنا حيّرني هواك
وأنا علشان انساك
ببعد عن كل مكان رحته و لو مرة معاك
واهرب من أقرب ناس يعرفوا قصتي وياك
وبغيّر أي كلام بيجيب سيرة لذكراك
وصلتني للحال ده بإيدك
بعد ما كانت روحي ف إيدك
سِبتك ومفيش حد في عمري
يشغل عنك قلبي وفكري
سِبتك من غير حتى ما أفكّر
حقدر أسيبك أو مش حأقدر
غدرك بيا .. أثّر فيا ..
واتغيّرت شوية شوية.. اتغيّرت ومش بإيديا
وبديت أطوي حنيني إليك
وأكره ضعفي وصبري عليك
واخترت ابعد .. وعرفت أعند
حتى الهجر قدرت عليه..
شوف القسوة بتعمل إيه
إسأل روحك .. إسأل قلبك
قبل ده كله اتغيروا ليه
أنا غيرني عذابي ف حبك
لكن انت غيّرك إيه؟
هو حناني عليك قسّاك حتى عليا؟
ولا رضايا كمان خلاك تلعب بيا؟
ولا تسامح روحي معاك غرّك بيا؟
أنا يا حبيبي صحيح بتسامح
إلا ف عزة نفسي وحبي
واما يفيض بي ما بعرف أصالح
وأعرف آجي كتير على قلبي
غدرك بيا .. أثّر فيا
واتغيّرت شوية شوية
اتغيّرت ومش بإيديا
وبديت أطوي حنيني إليك
وأكره ضعفي وصبري عليك
واخترت أبعد وعرفت أعند
حتى الهجر قدرت عليه
وانت يا عيني .. لو في مكاني يا عيني
كنت حعمل غير كده إيه؟
إسأل روحك
- مقام حجاز كار
الحفلات:
- حفل دار سينما قصر النيل - 5 فبراير 1970