ليل الغلابة - عفاف راضى
كلمات: سيد مرسى
تلحين: بليغ حمدى
سنة الاصدار: 1972
الاصدار في: اسطوانات صوت الفن
Leil El-Ghalaba - Afaf RadiLyrics by: Sayed Morsi
Composed by: Baligh Hamdi
Year: 1972
Released in: Soutelphan
اه ياليالي ياليالي ياليالي
راح فين الغالي راح فين ياليالي
كان هنا معايا متربى معايا
بس يا خسارة اهو راح فى العالى
واحنا غلابة مالناش فى العالى
وايه يوصلنا للساكنين العالى
خايفة على طيرى يتعب وياهم
ليكون مش واخد على جرح هواهم
ويتوه فى طريقهم ويقاسى معاهم
اصله مش قد السكنة فى العالى
واحنا غلابة مالناش فى العالى
وايه يوصلنا للساكنين العالى
عينى على طيرى شايلاه فى عينيا
ومهما يطير منى ميهونش عليا
ليل الغلابة طول عليا
ولسة الليالى جايبالنا ليالى
واحنا غلابة مالناش فى العالى
وايه يوصلنا للساكنين العالى
ليل الغلابة هون عليهم
وامسح يا ليلى دمعة عينيهم
ده الحب يا عينى باين فى عينيهم
لكن يا خسارة طالعين فى العالى
واحنا غلابة مالناش فى العالى
وايه يوصلنا للساكنين العالى
------------------- اصدارات اخرى = Other editions -------------------
