اغانى فيلم "عايشين للحب" 1975 - هانى شاكر
الاغانى:
كلمات: فتحى قورة - تلحين: بليغ حمدى
1- لوعة الفراق
2- فرقة اللقا
3- زى الورد
4- لكل حاجة نهاية
5- يا عشرة هونى
6- خايف عليه
7- اه يا سلام لو تعرف
8- مكتب الالحان
يا عشرة هونى
يا عشرة هوني هوني ياريت تهوني
زي ما هنت عاللي فاتوني
وكان جزايا نسيان هوايا
غابوا الحبايب ولا ودعوني
يا حب غالي حيبقى ذكرى من ليالي أولها بكره
وذكرى خيالك ما بين جفوني
والشوق يسهر دموع عيوني
وكان جزايا نسيان هوايا
غابوا الحبايب ولا ودعوني
يا بسمة حلوة على الشفايف حلوة حلوة
يا احلى غنوه كان قلبي خايف قلبي خايف
ياما كنت اقوله مش حيسبوني
حققت ظنه وخابت ظنوني
وكان جزايا نسيان هوايا
غابوا الحبايب ولا ودعوني
يا شمس حبي ساعة وداعك بيجري قلبي ورا شعاعك
يا خوفي بعدك لليل سابوني وصبر قلبي عاللي باعوني
خايف عليه
خايف عليه ليه يا قلبي ليه
جاي النهاردة تخاف عليه
ما فيه كتير قدام عينيك
ولا كنت أغير منهم عليك
جرالك إيه حسيت بإيه
جاي النهاردة تخاف عليه
إزاي يا قلب حبيبي إزاي تخون
والحب يرخص ولاّ يهون
وأنا في الضلوع بداريه
من كل عين تناديه
يا ريت يا قلبي الخوف ده يكون
بينك وبينه خيال وظنون
ومن انشغالك فيه وكتر حبك فيه
شغلتني.. حيرتني بين أه ولأ.. توهتني
بقولك إيه ما يكونش كله وهم، ليه
بقولك إيه ما يكونش كله ظن، ليه
خايف عليه لا يبص بعيد
ويسيبني ويا دموعي وحيد
ويسهرك لياليه ولا صبر ينفع فيه
وبهمسة حلوة ولمسة إيد
يقول تعالى يا حب جديد
انت اللي أوصل بيك لو كنت بين أياديك
خوفتني.. عذبتني ده حبيبي أنا بيحبني
لا حد قالك عنه كلام
ولا خان هواك يوم من الأيام
لكن بقى العاشقين فيهم كتير ظالمين
إن كان ده خوف بس وتفكير
فكر يا قلبي وشك وغير
ما تخافش ع الغاليين
أمال تخاف على مين؟
غلبتني وجبتني بين نار وجنة وسيبتني
------------------- اصدارات الاغانى = Track editions -------------------
