اغانى فيلم "العصفور" 1972
Al-asfour (The Sparrow) film 1972
الاغانى:
1- مصر يامة يا بهية - الشيخ امام
كلمات: احمد فؤاد نجم
كلمات: احمد فؤاد نجم
تلحين: الشيخ امام
2- (عيون مصر) رايحين .. راجعين
كلمات: نبيلة قنديل
تلحين: على اسماعيل
مصر يامة يا بهية
المجموعة: يسبق كلامنا سلامنا يطوف ع السامعين معنا
عصفور محندق يزقزق كلام موزون و له معنى
عن أرض سمرة و قمرة
و ضفة نهر و مراكب
و رفاق مسيرة عسيرة
و صورة حشد و مواكب
ف عيون صبية بهية
عليها الكلمة و المعنى
المنشد: مصر يا أمة يا بهية
يا أم طرحة و جلابية
الزمن شاب
و انتي شابة
هو رايح
و انتي جية
جية فوق الصعب ماشية
فات عليكي ليل و ميه
و احتمالك هو هو
و ابتسمتك هي هي
تضحكي للصبح يصبح
بعد ليلة و مغربية
تطلع الشمس تلاقيكي
مفجبانية وصبية
المجموعة: الليل جزاير جزاير
يمد البحر يفنيها
و الفجر شعلة حتعلا
و عمر الموج ما يطويها
و الشط باين مداين عليها الشمس طوافة
ايدك ف ايدنا ساعدنا
دي مهما الموجة تتعافى
بالعزم ساعة جماعة
و بالاصرار نخطيها
المنشد: مصر يا أمة يا سفينة
مهما كان البحر عاتي
فلاحينك ملاحينك
يزعقو للريح يواتي
اللي ع الدفة صنايعي
و اللي ع المجداف زناتي
و اللي فوق الصاري كاشف
كل ماضي و كل آتي
عقدتين و الثالثة ثابتة
تركبي الموجة العفية
توصلي بر السلامة
معجبانية و صبية
يا بهية
المجموعة: و يعود كلامنا بسلامنا يطوف ع الصحبة حلواني
عصفور محني يغني على الافراح و من ثاني
يرمي الغناوي تقاوي
تبوس الأرض تتحنى
تفرح و تطرح و تسرح
و ترجع ثاني تتغنى
(عيون مصر) رايحين .. راجعين
رايحين رايحين
شايلين فى ايدنا السلاح
راجعين راجعين
رافعين رايات النصر
سالمين سالمين
حالفين بعهد الله
نادرين نادرين
واهبين حياتنا لمصر
باسمك يا بلدي......حلفنا يا بلدى
جيشك وشعبك يرد التحدى
ارضك وزرعك.....شمسك وقمرك
شعرك ونغمك.....نيلك وهرمك
بدمي افادي واصد الاعادى
وافدى بروحى عيونك يا مصر
رايحين رايحين شايلين فى ايدنا سلاح
راجعين راجعين
رافعين رايات النصر
سالمين سالمين
حالفين بعهد الله
نادرين نادرين
واهبين حياتنا لمصر
شرفك يا بلدى
وعزك كرامتك
يا غالية ده حقك
امانة فى رقبتي
شرفك يا بلدى
وعزك كرامتك
يا غالية ده حقك
امانة فى رقبتي
حبك وسحرك ليلك وكرمك فى نخلك وطرحك
فى صبرك وسهرك
فى صحوى حانادى وفى إستشهادى حاسجل نشيدى فى تاريخك يا مصر
------------------- اصدارات الاغانى = Track editions -------------------
مصر يامة يا بهية
- تم كتابة الاغنية عام 1968
راجعين - اول اغنيات النصر وكانت اهداء من المخرج يوسف شاهين