Mama Zamnanha Gayah (Mama Soon Will Come) - Mohamed Fawzi = ماما زمانها جاية - محمد فوزى

ماما زمانها جاية - محمد فوزى

كلمات: حسين السيد

تلحين: محمد فوزى

سنة الاصدار: 1967

الاصدار فى: اسطوانات مصرفون

Mama Zamnanha Gayah (Mama Soon Will Come) - Mohamed Fawzi
Lyrics by: Hussein El Sayed
Composed by: Mohamed Fawzi
Year: 1967
Released in: Sono Cairo

ماما زمانها جاية، جاية بعد شوية، جايبة لعب وحاجات

جايبة معاها شنطة ، فيها وزة وبطة, بتقول واك واك واك

عارف الواد اللى اسمه عادل, جه الدكتور وعمل له ايه

لقى رجليه كانو زى الفتلة ، بص شوية جوه عنيه

راح مدى له حقنة كبيرة، عارف ادى له الحقنة ليــه

مابيشربش اللبن الصبح ، وكل اصحابه ضحكوا عليه

واهو من يومها شرب وبيكبر ، واتربى له عضل فى ايديه

ماما زمانها جاية ، جاية بعد شوية ، جايبة لعب وحاجات

جايبة معاها شنطة ، فيها وزة وبطة, بتقول واك واك واك

وأحمد برضه ايده مربوطة ، ومامته عارف ليه مخاصماه

كان بيحب تمللى يلعب ، بالكبريت ويشيله معاه

وفى يوم جاب كام عود ولعهم، واخته بوسى كانت شايفاه

راحت النار ملهلبه ايده ، ولسه ايديه الأتنين واجعاه

اهوه من يومها لا بيتعفرت ، ولا بيشيل كبريت وياه

ماما زمانها جاية ، جاية بعد شوية ، جايبة لعب وحاجات

جايبة معاها شنطة ، فيها وزة وبطة, بتقول واك واك واك

وسعاد ابله زعلت منها ، خالص خالص من شهرين

مابتحفظش الدرس وتكذب ، وكمان ضاع منها كتابين

وبتتشاقى جوه الفصل، و كان ترتيبها العشرين

لما ذاكرت وبقت حلوه ، أبله خدتها مع الشـاطرين

جت شهادتها اخر مرة ، و كانت الأولى من تلاتين

------------------- اصدارات اخرى = Other editions -------------------

روى فوزى أنه كان فى ألمانيا حين سمع ضحكة طفل مسجلة على أسطوانة تخطف روحه وتجبره على سماعها عشرات المرات، فعاد إلى القاهرة وهو مصمم على صناعة غنوة للأطفال تحمل هذه الضحكة، فكانت أغنية "ماما زمانها جاية" ووضع الضحكة فى اللحن ولم يتبق سوى تسجيلها: "ونشرت إعلاناً ـ يقول فوزىـ وجاءنى أكثر من 100 طفل لتسجيل ضحكاتهم، فلم أجد فيهم مثل تلك الضحكة التى سمعتها فى ألمانيا، فقررت أن أستخدمها.