عقبال عندكم يا حبايب - محمد فوزى
كلمات: فتحى قورة
تلحين: محمد فوزى
عقبال عندكم ياحبايب عقبال عندكم
وتعيشوا ليالى هنية عقبال عندكم
دى ليالى الفرح بالدور
والدور الليلة دى عليا
عقبال عندكم يا حبايب
يا سلام لما وافق ابوها
يوم اهلى يوم ما جم خطبوها
لو كان مهرها نور عينى
دى انا روحى كمان ياخدوها
على ست البنات زفونى
على العش الجميل ودونى
دى عروستى و فداها عيونى
وعيونى عليها شوية
وحياة من جمعنا الليلة
ياحبايبى وحبايب العيلة
لو عدوا الليالى الحلوة
ما يلاقوا حلاوة الليلة
هنونى بكتب كتابنا
عقبال عندكم يا احبابنا
ده النور الى قاد على بابنا
ما شافتش مثاله عنيا
من قبل الكتاب بليالى
وخيال الفرح فى خيالى
وانا صابح وبايت افكر
بعروستى اللى شغلت بالى
ياما كان النهاردة شاغلنى
وجناح الامانى شايلنى
وفى ليلة الفرح نزلنى
للشمع اللى قاد حواليا
عقبال عندكم يا حبايب
