Banat hawa (Daughters of Eve) film = اغانى فيلم "بنات حواء" 1954

اغانى فيلم "بنات حواء" 1954

Banat hawa (Daughters of Eve) film 1954

الاغانى:

تلحين: محمد فوزى

1- انا بنت حلوة - شادية

كلمات: صالح جودت

2- يا جارحة القلب - محمد فوزى

كلمات: صالح جودت

3- الزهور - الحب له ايام - محمد فوزى وشادية

كلمات: صالح جودت

4- لقيته لقيته - شادية

كلمات: ابو السعود الابيارى

5- استعراض الازياء - شادية

كلمات: ابو السعود الابيارى

6- الموال

كلمات: عبد العزيز سلام

7- تعب الهوى قلبى - محمد فوزى

كلمات: فتحى قورة

Tracklist:
Composed by: Mohamed Fawzi

7- Taab El Hawa Albi
Lyrics by: Fathi Qoura

يا جارحة القلب

يا جارحة القلب بعيونك

يصونها المولى ويصونك

عيونك كاس يدور ع الناس يسكرهم

وفيها جمال وفيها دلال يحيرهم

دي نظرة من عيون الحور

سوادها في عيونها نور

هواها ع القلوب مقدور

يا ساحرة الدنيا بعيونك

فاضل شفة على شفة راح ارسمهم

في لفتهم وخفتهم مفيش منهم

شفايفك نفحة م الجنة

بلون الورد والحنة

كلامها أحلى من المغنى

تقول للورد إيش لونك

فاضل ورودك اللي في خدودك يا حيرتي فيهم

عاوزين جنايني يعرف يغني ويقول عليهم

أحبك والسما شاهدة يا نايمة والعيون ساهدة

يا ربوة فيها ميت وردة

يا قايدة النار على غصونك

الزهور 

الورد له في روايحه لغات تجمع بين النار والجنة

حكم الزهور زي الستات لكل لون معني ومغني

دا لكل لون معني ولكل لون مغني

احب زهر البنفسج رمز الجمال الحزين

عبيره يفرح و يبهج و يسعد المحرومين

احب ريحته ولونه واجعل هدوته وسكونه هدية لليصونه

ما تهادي بيه غير الجملات اللي العيون بيها تتهنا

حكم الزهور زي الستات لكل لون معني ومغني

دا لكل لون معني ولكل لون مغني

اة من القرنفل دا ريحته تشغل ساحر و يسحر قاتل ويقتل

يجعل حبيبك هواه مشعلل ويكيد عزولك ويبات مفلفل

شقي وشاقوته سبب غلاوته وادي حلاوته

ياللي تحب الحلويات شوف القرنفل واتمني

حكم الزهور زي الستات لكل لون معني ومغني

دا لكل لون معني ولكل لون مغني

اجمل هدية اقدمها لبنات بلدي

اقطفها من جنتك يا ورد يا بلدي

احمر فى يوم حرقتى ابيض فى يوم سعدي اصفر من الغيرة عللي سبب وعدي

قبل الميلاد بيسقوا الشربات يقدموك ليلة الحنة

حكم الزهور زي الستات لكل لون معني ومغني

دا لكل لون معني ولكل لون مغني

تعب الهوى قلبى

تعب الهوى قلبي والحلو مش داري

ولامتى حنخبي على بعض ونداري

تعب الهوى تعب الهوى قلبي

حبينا ودارينا وليلنا بيطول

ياريت ما خبينا على بعض م الاول

وصبرنا ما لاقينا الصبر بينول

وقلوبنا وعنينا مش راضيه تتحول

ضيعت ايامي بين شوقي وهيامي

وانام باوهامي واصحى على ناري

تعب الهوى تعب الهوى قلبي

تعب الهوى قلبي والحلو مش داري

ولامتى حنخبي على بعض ونداري

تعب الهوى تعب الهوى قلبي

كلمه شايلها له هي اللي شاغلاني

ياريتني اقولها له واعيدها من تاني

ياهل ترى في باله والا حينساني

ويميل لعذاله ويفوتني من تاني

مهما يوزعني حبه ملوعني

وحتى لو باعني برضه انا شاري

تعب الهوى تعب الهوى قلبي

من يوم ما كلمته في القلب خبيته

وفعيني نيمته وبرمشي غطيته

وبإيدي سلمته الروح وحبيته

من قلبي علمته الصبر وكويته

لا انا قادر احكيله ولا قادر اشكيله

واخاف اناديله لا تبان له اسراري

تعب الهوى تعب الهوى قلبي

تعب الهوى قلبي والحلو مش داري

ولامتى حنخبي على بعض ونداري

تعب الهوى تعب الهوى قلبي

------------------- اصدارات الاغانى = Track editions -------------------