اوبريت الارض الطيبة / صوت بلادى - المجموعة*
كلمات: حسين السيد
تلحين: محمد عبد الوهاب
سنة الاصدار: 1975
الاصدار فى: التلفزيون
(*) اشترك فى الغناء.- حسب الظهور:
محمد الحلو
سوزان عطية
توفيق فريد
زينب يونس
محمد ثروت
ايمان الطوخى
(المجموعة)
رجاله و طول عمر ولادك يا بلدنا رجاله
و غلاوتك يا بلدنا والله مش محتاجه قواله
ده النيل السمرانى فارد على الشطين قناديله
و المصرى سكتو محفوظه بقرأنه و انجيله
(محمد الحلو)
من صوت التاريخ يا مصرى تقدر تعرف ذاتك
وهبت للدنيا دنيا جديده من نبض حياتك
وقت ماكان العالم بيعيش تايه ف الغابه
مصر كانت دوله و ليها رايه فوق اعلى سحابه
رجاله و طول عمر ولادك يا بلدنا رجاله
و غلاوتك يا بلدنا و الله مش محتاجه قواله
ده النيل السمرانى فارد على الشطين قناديله
و المصرى سكتو محفوظه بقرأنه وانجيله
(سوزان عطية)
سحابه و ندهت للشمس قومى طلى على الوادى
شوفى مصر الفراعنه ف وادى و العالم ف وادى
ده المصرى ف الوادى الاخضر كان سابق زمانه
يتمشى فى مزارع قمحه و جناين رمانه
رجاله و طول عمر ولادك يا بلدنا رجاله
و غلاوتك يا بلدنا و الله مش محتاجه قواله
ده النيل السمرانى فارد على الشطين قناديله
و المصرى سكتوا محفوظه بقرأنه و انجيله
(توفيق فريد)
ذاتك ف القريه نشأت يا مصرى ف وسط عيله
و الارض الطيبه فرشتها ف سماها ضليله
بتصادفك يا مصرى شدايد لياليها طويله
بتهدمها بخطوتك الجايه م الارض الاصيله
رجاله و طول عمر ولادك يا بلدنا رجاله
و غلاوتك يا بلدنا و الله مش محتاجه قواله
ده النيل السمرانى فارد على الشطين قناديله
و المصرى سكتو محفوظه بقرأنه و انجيله
(زينب يونس)
و اصيله يا خطاوى ولدنا و تسلم الخطاوى
يا جايه من كفر بهيه ام طرحه محلاوى
و بهيه يما جدى حكالنا عنها انا و اخواتى
يا ما خبزت و قالت له علم صبيانى و بناتى
رجاله و طول عمر ولادك يا بلدنا رجاله
و غلاوتك يا بلدنا و الله مش محتاجه قواله
ده النيل السمرانى فارد على الشطين قناديله
و المصرى سكتو محفوظه بقرأنه و انجيله
(محمد ثروت)
بشراكى يا ارض بلدنا المواكب حواليكى
سمعوكى و قالو لك جينا نبنى و نزرع فيكى
و الشعب اللى امبارح جاب النصر ف اعظم صوره
بالعلم و بالحب آهو ساير بالخطوه المنصوره
رجاله و طول عمر ولادك يا بلدنا رجاله
و غلاوتك يا بلدنا و الله مش محتاجه قواله
ده النيل السمرانى فارد على الشطين قناديله
و المصرى سكتو محفوظه بقرأنه و انجيله
(ايمان الطوخى)
منصوره دايما يابلدنا و البركه فى شبابك
ده طريقهم عرفوة و منور باسم الله على بابك
يا مشالله يا جدعان يا مشالله و يا خمسه و خميسه
من العين اهو بنستنى شبابنا يزوقو العروسه
رجاله و طول عمر ولادك يا بلدنا رجاله
و غلاوتك يا بلدنا و الله مش محتاجه قواله
ده النيل السمرانى فارد على الشطين قناديله
و المصرى سكتو محفوظه بقرأنه و انجيله
(المجموعة)
صوت بلادي بلادى بلادى
بيدوي عبر الاجيال
صوت حضاره
من يومها جباره
ياما صنعت ابطال و رجال
صوت شعب ماشى الاف السنين
كل خطوه منه بكفاح ملايين
امجاده كتبها بحياته و مصر حياتها خطى المخلصين
عيش حياتك بس ابحث عن ذاتك
يا مصرى و شوف عمرها كام
نور وجودك من خطوة جدودك
شعلة عزم و خير و سلام
صوت شعب مصرى و اعظم ما فيه
اى اخ عربى يعوزه يلاقيه
امجاده كتبها بحياته و مصر حياتها خطى المخلصين
