Akher Halawa - Mohamed Al Ezabi = اخر حلاوة - محمد العزبى

اخر حلاوة - محمد العزبى
كلمات: حسين السيد
تلحين: منير مراد
سنة الاصدار: 1969
الاصدار فى: اسطوانات صوت لبنان

Akher Halawa - Mohamed Al Ezabi
Lyrics by: Hussein El Sayed
Composed by: Mounir Mourad
Year: 1969
Release in: Voice Of Lebanon

 

 

 اخر حلاوة الحب ده اخر حلاوة
على شرط يبقى الحب متنقي نقاوة
الله عليهم لما يتفاهموا بهداوة
وبالهداوه المركبة تسير بالهداوة
ولو صادفها الموج تفوت زي الحلاوة
ويوصلوا الركاب كده اخر حلاوة
قريت كتير وسمعت كتير
عن الاحبة اللي احتاروا
جريوا فى طريق الشوق مشاوير
وسهروا ليله ونهاره
واتجمعوا على حب كبير
وتاني يوم هديت ناره
سألت ليه اختلفوا ليه
قالولي ده بخت وقسمة
طب والخلاف كان سسبه ايه
قالولي زعلوا من كلمة
والكلمة ده ليه ما تقالتش بالهداوه
طب ما احنا فى الهوا سوى اخر حلاوة
انا وحبيبى لنا حكايات
في الحب والغيرة المرة
يجوا العوازل بالروايات
يولعوا في قلبه جمرة
اكلمه يحدف نظرات
كأنها جهنم حمرا
اقوله أيه مخاصمني ليه
يقولي انت بتخوني
طب وقلبك بيقولك ايه
يقولي قلبي مطمني
ناخد وندي كلمة كلمة بالهداوه
يطلع علينا الفجر حب أخر حلاوة
انا واللي احبه متفقين
ايام حياتنا تكون حلوة
شفونا ناس من اللي غاوين
يعكروا الميه الحلوة
لاقينا روحنا في يوم تايهين
والهجر جانا على سهوة
جرالنا ايه وازاي وليه
حبيبي مين شغلوا عني
حكمت عقلي وجريت عليه
اتاريه حزين اكتر مني
وبالهدواه الميه راقت بالهداوة
وشربنا فنجان قهوة وكان أخر حلاوة