غاوى - محمد العزبى
كلمات: فهمى الشريف
تلحين: فتحى اسماعيل
غاوي ومادمت غاوي هابدر طريقي غناوي
واركب خيولك يا ليل واخد نجومك دليل
تقولي مد الخطاوي اقول ما انا قلبي غاوي
غاوي وطول عمرى غاوي
فايت بلاد القرايب رايح بلاد الحبايب
وشمعي ما ينطفيش
مادمت عارف طريقي وخدت حبي صديقي
الغربة متهمنيش
دي الغربة في الحب مش ممكن تكون غربة
مادام في حضن الليالي نلتقى محبة
يا سكتي والله هانت ورحلتي مهما طالت
هاوصل وانول المراد
لو بينا الفين حجاب وبلاد وحيرة وعذاب
عمري ما اقول يا ملان
شايل حمولي وماشي والهوا دراعي
واي ريح يا هوى فاردلها شراعي
واركب خيولك يا ليل واخد نجومك دليل
تقولي مد الخطاوي اقول ما انا قلبي غاوي
غاوي وطول عمرى غاوي