اغانى فيلم "غزل البنات" 1949
Gazel El Banat (The Flirtation of Girls) film 1949
الاغانى:
كلمات: حسين السيد - تلحين: محمد عبد الوهاب
1- عاشق الروح - محمد عبد الوهاب
2- ماليش امل - ليلى مراد
3- اتمخطرى يا خيل - ليلى مراد
4- الدنيا غنوة - ليلى مراد
5- عينى بترف - ليلى مراد ونجيب الريحانى
6- الحب جميل - ليلى مراد
7- ابجدهوز - ليلى مراد ونجيب الريحانى
Tracklist:
Lyrics by: Hussein El Sayed - Composed by: Mohamed Abdel Wahab
1- Acheq Errouh - Mohamed Abdel Wahab
2- Ma Lish Amal - Layla Mourad
3- Etmakhtary Ya Khei- Layla Mourad
4- El Dunya Ghanwa - Layla Mourad
5- Einy Betref - Layla Mourad ft. Naguib El Rihani
6- El Hob Gamil - Layla Mourad
7- Abgad Hawaz - Layla Mourad ft. Naguib El Rihani
عاشق الروح
ليه ليه ليه ليه يا عين ليلى طال ؟!
ليه ليه ليه ليه يا عين دمعى سال؟!
يا عيونى حبايبى ليه هجرونى ؟!
ليه ينامو و انتى تصحى يا عيونى ليه ليه ؟!
يا ليلى عينى اشتكت من طول سهادى يا ليل
و الكاس ف ايدى اتملت من دمع عينى يا ليل
و كام من فجر صحيته و صحانى علا عهودى
و حتا العين ف غفلتها بتصحى دموعها ف خدودى
تسبح ف الفضا شاغل شغلنى عن حطب عودى
وهبت وجودى علشانه و عمرى ما عشت لوجودى
ضحيت هنايا فداه..اشهد عليه يا ليل
و هاعيش علا ذكراه..اشهد عليه يا ليل
هايم علا دنياه زى الضحا و الليل ..يا ليل
و كل دا و انتا مش دارى يا ناسينى و انا جمبك
حاولت كتير ابوح و اشكى واقرب شكوتى منك
لقيتك فى السما عالى وانا فى الارض مش طايلك
حضنت الشكوا ف قلبى و فطمت الروح على بابك
عشقت الحب ف معبد بنيته بروحى و كيانى
و خليت الامل راهب مالوش عندى امل تانى
انور شمعتى لغيرى و نارها كاويه احضانى
و ابيع روحى فدا روحى..و انا راضى بحرمانى
وعشق الروح مالوش اخر ..لكن عشق الجسد فانى
ماليش امل
ماليش أمل في الدنيا دي
غير اني اشوفك متهنّي
حتى ان لقيت ان بعادي
راح يسعدك ابعد عني
اما انا مهما جرى
حافضل اصون عهد الهوى
وان غبت يوم ولا سنة
حافضل انا برضه انا
عندي من الأيام أيام اقدر اصورها في بالي
وعندي م أحلام أحلام حافضل اعيشها في خيالي
واللي انت شايفه في عينيا صورة هواك
وكمال طيفك علشان لو الشوق فاض بيا
هندم عليك واقدر اشوفك
أحلفك بعذابي اللى انت عايش فيه متهني
واحلفك بشبابي اللى لا نابك يوم ولا نابنى
ان جيت في يوم ومحبتنيش
اكدب عليا ولا تقوليش
خلينى احبك وافضل احبك
من غير ما اعرف ايه سر قلبك
خلينى خلينى خلينى احبك
اتمخطرى يا خيل
اتمخطري واتمايلي يا خيل
وارقصي ويا عرايس الليل
واتمخطري يا خيل
اتمخطري واتمايلي معانا
خلي الدنيا تميل ويانا
خلي العاشق يجري ورانا
ليل ونهار.. ونهار وليل
احنا شباب النور وزهوره
للي شبابه اتمسى بنوره
يا فرحة قلب اللي نزوره
اجري يا خيل ده الوقت سرقنا
غاير منا ومن عشاقنا
اجري وخلي النور علشانا
يا دنيا لفي بينا يا دنيا واجري بينا
بس اوعي تسبقينا يا دنيا وتفوتينا
وارقصي ويا عرايس الليل
واتمخطري يا خيل
اتمخطري واتمايلي معانا
خلي الدنيا تميل ويانا
خلي العاشق يجري ورانا
ليل ونهار.. ونهار وليل
احنا شباب النور وزهوره
للي شبابه اتمسى بنوره
يا فرحة قلب اللي نزوره
اجري يا خيل ده الوقت سرقنا
غاير منا ومن عشاقنا
اجري وخلي النور علشانا
يا دنيا لفي بينا يا دنيا واجري بينا
بس اوعي تسبقينا يا دنيا وتفوتينا
الدنيا غنوة
الدنيا غنوة .. نغمتها حلوه
احنا اللي نطير ونغنيها
والدنيا دي كلمة .. من غير ولا كلمة
احنا اللي نكمل معانيها .. على معانيها
ازاي بيقولوا الناس عنها .. دنية احزان ؟
والسحر دا كلو عايش منها .. اشكال والوان
الزهر دا .. وصفوه للعين ..
والورد دا .. جرحو قلبين ..
والدنيا دي مخلوقه لإثنين
واحد هنا .. والثاني فين ؟
الدنيا غنوة .. نغمتها حلوه
احنا اللي نطير ونغنيها
والدنيا دي كلمة .. من غير ولا كلمة
احنا اللي نكمل معانيها .. على معانيها ..
ياللي تقول الأه .. الأه بتقول أه أه منك
قلبي بإيدي دواه .. والدوى موجود هنا .. هنا عندك
مهما الأمل طالت لياليه .. طالت لياليه
ولا الحبيب بعدت اراضيه .. بعدت اراضيه
دور عليه يمكن تلاقيه جنبك ولاانتاش حاسس فيه
وحـ تسمع غنوة .. نغمتها حلوه
احنا اللي نطير ونغنيها
وحـ اقولك كلمة .. وتقولي كلمه
احنا اللي نكمل معانيها .. على معانيها ..
الدنيا غنوة .. نغمتها حلوه
احنا اللي نطير ونغنيها
والدنيا دي كلمة .. من غير ولا كلمة
احنا اللي نكمل معانيها .. على معانيها
عينى بترف
عينى بترف وراسى بتلف
وعقلى فاضل له دقيقة ويخف
ليلى :
عينه بترف وراسه بتلف وعقله فاضل له دقيقة ويخف
الريحانى :
تسمحيلى كلمة واحدة
ليلى :
قول يا نور العين
الريحانى :
بدى اعرف نفسى اعرف احنا رايحين فين
ليلى :
رايحين ع البلد اللى تجمع شمل العشاق نفرح ونغنى ونودع عهد الاشواق
الريحانى :
والله انا حاسس
ليلى :
ايه
الريحانى :
لا ما فيش
ليلى :
حاسس بايه قول ما تخبيش
الريحانى :
حاسس بمصيبه جا يالى
ليلى :
يا لطيف يا لطيف
الريحانى :
مصيبة ما كنتش على بالى
ليلى :
يا لطيف يالطيف
ليلى :
عايزة حاجه
الريحانى :
حاجة تاكلى
ليلى :
اكل ايه
الريحانى :
امال عايزة ايه
ليلى :
عايزه افرح عايزه اغنى عايزه ابوسك مش عارفه ليه
الريحانى :
يالطيف يا لطيف
ليلى :
جبتك معايا عشان تقاسمى ليلة هنايا وفجر غرامى
وانا لى مين غيرك يشاركنى فرحة امالى وهنا ايامى
الريحانى :
علشانك انت انكوى بالنار .. والقح جتتى
وادخل جهنم وانشوى واصرخ واقول يادهوتى
الحب جميل
الحب جميل للي عايش فيه
له ألف دليل اسألوني عليه
بيفوت ع العين ويصحيها من عز النوم
ويفوت ع الروح ويطير بيها الدنيا في يوم
ولما القلب يجي يفرح ساعة ما ألاقيه قاعد جنبي
أمالي الحلوة تتمرجح في دقة قلبه مع قلبي
وإن فات حبيبي يوم أو غاب
أنا والظنون دايما في عتاب
واللي انشغل بهوى الأحباب
عذابه راحة وراحته عذاب
لا اللي صفاله حبيب باله هدي وارتاح
ولا اللي فاته نصيبه نامت في قلبه جراح
لما يخاصمني بأفرح وأصور فرحة لقاه لو يوم جاني
وإن جه صالحني أبكي وأفكر من خوفي لا يخاصم تاني
ابجدهوز
أبجد هوز حطي كلامً
شكل الأستاذ بقى منسجمً
أستاذ حمام نحن الزغاليل
من غير جناح بنميل ونطير
والمكر فينا طبع جميل
إن قلنا لأ لأ يعني نعمً
إن جاء زيد أو حضر عمروً
طب واحنا مالنا إن شالله ما حضرم
والمبتدا هنجيبله خبره
من نظرة واحدة هيصبح عدمً
كان فعل ماضي ما تسيبه في حاله
والماضي إحنا مالنا وماله
خلينا في الحاضر وخياله
ونعيش على بهجته وجماله
ده القلب لسة في عز أماله
عايز يعيش على طول مبتسمً
آه لو أبوكي حضر ويانا
وشاف وسمع الغنا ده ويانا
أنا اللي هكون في خبر كان
بدل الماهية راح أخد صرمً
شكل الأستاذ بقى منسجمً
أستاذ حمام نحن الزغاليل
من غير جناح بنميل ونطير
والمكر فينا طبع جميل
إن قلنا لأ لأ يعني نعمً
إن جاء زيد أو حضر عمروً
طب واحنا مالنا إن شالله ما حضرم
والمبتدا هنجيبله خبره
من نظرة واحدة هيصبح عدمً
كان فعل ماضي ما تسيبه في حاله
والماضي إحنا مالنا وماله
خلينا في الحاضر وخياله
ونعيش على بهجته وجماله
ده القلب لسة في عز أماله
عايز يعيش على طول مبتسمً
آه لو أبوكي حضر ويانا
وشاف وسمع الغنا ده ويانا
أنا اللي هكون في خبر كان
بدل الماهية راح أخد صرمً
------------------- اصدارات الاغانى = Track editions -------------------
